2025-жылдын 18-19-февралында Кыргыз Республикасынын Финансы министрлигинин Окуу борбору тарабынан акционердик коомдордун, мамлекеттик жана муниципалдык ишканалардын 28 кызматкери үчүн «Уставдык капиталында 50% жана андан ашык үлүшү мамлекетке таандык болгон мамлекеттик, муниципалдык ишканалардын жана чарба жүргүзүүчү субъекттердин, анын ичинде алардын туунду компанияларынын сатып алууларын башкаруу» темасында базалык курс өткөрүлдү.

Окуу курсу офлайн режиминде жүргүзүлүп, төмөнкү темаларды камтыды:

• Сатып алуулар чөйрөсүндөгү ченемдик укуктук актылар;
• Типтүү жол-жобо (СКД);
• Сатып алууну уюштуруу. Ыйгарым укуктуу мамлекеттик органдын, сатып алуу бөлүмүнүн жана конкурстук комиссиянын ролу жана функциялары;
• Сатып алуунун методдору;
• Товарлардын жана кызмат көрсөтүүлөрдүн техникалык спецификацияларына талаптар. Сатып алууларды пландаштыруу, рынокту талдоо;
• Конкурстук документацияны түзүү;
• Берүүчүнү тандоо, контракт түзүү;
• Даттанууларды кароо тартиби.

            Окуу курсун сатып алуулар боюнча көз карандысыз эксперт, Кыргыз Республикасынын Финансы министрлигинин Окуу борборунун окутуучусу Уланбек уулу Дастанбек өткөрдү.

            Окуу курсунун жүрүшүндө акционердик коомдордун, мамлекеттик жана муниципалдык ишканалардын кызматкерлери сатып алуу процесстерин эффективдүү башкаруу боюнча билимге жана көндүмгө ээ болушту, ошондой эле учурдагы талаптарга ылайык өздөрүнүн кесиптик деңгээлин жогорулатышты.