2024-жылдын 02-декабрынан 06-декабрына чейин Кыргыз Республикасынын Финансы министрлигинин Окуу борборунда министрликтердин жана ведомстволордун ички аудиторлорунун квалификацияларын жогорулатуу максатында, 2024-жылга бекитилген Программага ылайык "Ички аудитордун квалификациялык сертификатын тастыктоо үчүн окуу курсу" темасында бухгалтердик эсеп жана финансылык отчеттуулук; мамлекеттик сатып алуулар (мамлекеттик сатып алуулар боюнча мыйзамдагы өзгөртүүлөр); ички контроль жана ички аудит бөлүмдөрүн ичине камтыган гибриддик форматтагы (офлайн/онлайн), 40 академиялык саат көлөмүндөгү, беш күндүк тренинг өткөрүлдү.

      Тренингди жогорку квалификациялуу адистер жана эксперттер: Алиева Турсунай Токташевна, Уланбек уулу Дастанбек жана Кочконова Анара Маматкасымовна өткөрүштү.

Тренингдин аягында угуучуларга “Ички аудитордун квалификациялык сертификатын тастыктоо үчүн окуу курсу” боюнча окууну аяктагандыгы тууралуу сертификаттар ыйгарылды. Окууга 49 адам катышты.